Parrot បង្ហាញចេញនូវកូនកន្ទុំរុយ

ក្រុមហ៊ុន Parrot បានបង្ហាញចេញនូវ Version ថ្មីមួយ​នៃការបង្កើត​កូនកន្ទុំ​រុយអេឡិច​ត្រូនិចមាន​ឈ្មោះ​ថា AR Drone GPS Edition ដែលនឹងត្រូវបញ្ចេញលក់លើទីផ្សារ​ចក្រភពអង់គ្លេសនាខែ​ក្រោយ​នេះហើយ ក្នុងតម្លៃ ៣២០ ផោន ជាមួយមុខងារពិសេសមួយ​ចំនួនដែល​អាចប្រើ​វាជា​ផ្លូវការ​បាន​។​ Parrot AR Drone GPS Edition ត្រូវបានរចនាឡើងសម្រាប់ការហោះហើរក្នុរយៈកម្ពស់ និង រយៈ​​ចម្ងាយ ដោយធ្វើការបញ្ជាពីឧបករណ៍បញ្ជាផ្សេងៗដូចជា ស្មាតហ្វូនឬថេបប្លេតជាដើម តាម​រយៈ​ប្រព័ន្ធ GPS ដើម្បីបញ្ជាឬកំណត់ទីតាំងដែលកន្ទុំរុយអេឡិចត្រូនិចនោះ ត្រូវទៅ។ ជាមួយ​គ្នា​នេះ​​ដែរ កូនកន្ទុំរុយអេឡិចត្រូនិច Parrot AR Drone GPS Edition វាអាចហោះ​ទៅកាន់​ទីកន្លែង​ណា​មួយ និង រយៈកម្អស់ខ្ពស់ប៉ុណ្ណានោះ អាស្រ័យលើ Users ជាអ្នកកំណត់នៅលើឧបករណ៍បញ្ជា ហើយ​ក្នុង​អំឡុងពេលហោះហើរនោះ វាអាចផ្តិតយករូបភាពផ្សេងៗ អំពីដំណើរទិដ្ឋភាពជុំវិញខ្លួនវា ហើយនៅពេលហោះបានរយៈកម្អស់អតិបរមា ៦ ម៉ែត្រ វានឹងរក្សាលំនឹង។ កូនកន្ទុំរុយ​អេឡិចត្រូនិច​ខាងលើនេះក៏មានបំពាក់មកជាមួយ Flash Memory ទំហំ 4GB ហើយ​អាច​ថតយក​រូបភាពក្នុងរយៈពេលបានដល់ទៅ ២ ម៉ោងឯណោះ។ ប្រភពៈ Parrot